Натарыусы Беларусі 15 сакавіка будуць кансультаваць бясплатна, паведаміў БЕЛТА прэс-сакратар Беларускай натарыяльнай палаты Юрый Лукашэвіч.

Удзел у рэспубліканскай дабрачыннай акцыі, прымеркаванай да Дня Канстытуцыі Беларусі, прымуць усе натарыяльныя канторы і натарыяльныя бюро краіны.

Грамадзяне і госці Беларусі, звярнуўшыся асабіста да натарыуса, могуць атрымаць кансультацыю па пытаннях, якія ўваходзяць у яго кампетэнцыю, у тым ліку па пасведчанні пагаднення аб дзецях і шлюбных дагавораў, афармленні спадчынных правоў, складанню завяшчанняў, адчужэнню нерухомасці і інш.

Правядзенне падчас прававой асветы падобных акцый, прымеркаваных да дзяржаўных свят і іншых памятных дат, для натарыяльнай супольнасці Беларусі стала традыцыйным. Мэтай такіх мерапрыемстваў з'яўляецца перш за ўсё забеспячэнне абароны правоў і законных інтарэсаў грамадзян, павышэнне ўзроўню правасвядомасці, прававой культуры і адукаванасці насельніцтва.

Поўны спіс натарыяльных кантор і натарыяльных бюро, іх кантактныя дадзеныя і час работы можна ўдакладніць на сайце Беларускай натарыяльнай палаты belnotary.by у раздзеле "Знайсці натарыуса".