У аграгарадку Навасёлкі прайшоў Дзень вёскі. Як і ў ранейшыя гады, важным элементам святкавання сталі богаслужэнні на карысць роднай зямлі і яе жыхароў.

Першапачаткова протаіерэй Андрэй Булацкі правёў службу ў храме свяціцеля Мікалая Цудатворца ў аграгарадку Данілавічы, а затым адслужыў святочны малебен у малітоўным доме ў Навасёлках, размешчаным каля капліцы, якая будуецца ў гонар Святой Жываначальнай Тройцы. Пасля чаго ўсе ўрачыстасці перамясціліся на пляцоўку перад сельскім Домам культуры.

Перад пачаткам святочнага канцэрта протаіерэй Андрэй Булацкі звярнуўся з прывітальным словам да гасцей і жыхароў аграгарадка, павіншаваў прысутных са святам Святой Тройцы, расказаў яго гісторыю і значэнне, а таксама падзякаваў усім за працу і ўдзел у будаўніцтве капліцы. Наступнымі перад вяскоўцамі выступілі артысты і юныя выхаванцы гурткоў самадзейнасці мясцовага Дома культуры. Свае віншаванні і вершы адрасаваў землякам таксама член Беларускага саюза мастакоў, паэт і празаік Алег Кірушкін

На свяце было шмат дзіцячых зон гульняў, дзе праводзіліся конкурсы і віктарыны на веданне гісторыі малой радзімы. Вакол бярозак вадзіліся карагоды з песнямі. Тут жа працавалі выставы твораў мясцовых майстроў мастацкіх промыслаў і дэкаратыўна-прыкладнога мастацтва. Госці свята маглі таксама пакаштаваць дамашнюю выпечку і стравы традыцыйнай беларускай кухні.

Традыцыі святкавання Дня вёскі ў Навасёлках толькі каля пяці год. Аднак і гэтага часу аказалася дастаткова для таго, каб гэты дзень стаў чакаем і любім мясцовымі жыхарамі. А чаму не любіць свята, якое даруе магчымасць разам памаліцца, пагутарыць з сябрамі і блізкімі, успомніць прыемныя і яркія моманты з вясковага жыцця, ды і проста весела і з карысцю правесці час.