Гэтыя спаборніцтвы - тэставыя выпрабаванні пляцоўкі і ўсёй інфраструктуры да правядзення ў жніўні II Гульняў краін СНД.
Каля 100 юных баксёраў з сямі спартыўных школ прадстаўлялі Мінск, Віцебск, Гродна, Гомель, Магілёў, Баранавічы і Барысаў.
Ад Веткаўскай ДЮСШ удзельнічаў 1 спартсмен.
У ходзе жорсткай барацьбы другое месца ў вагавой катэгорыі больш за 80 кг заняў Павел КАРАЛЁЎ. Для веткаўчаніна гэта першыя спаборніцтвы такога высокага ўзроўню.
Нямала добрых уражанняў засталося ў Пашы ад удзелу ў турніры. Ён не толькі атрымаў неацэнны вопыт, але і ўбачыў прыгожыя баі сваіх сапернікаў.
- Баі былі няпростымі, але нашы баксёры трымаліся годна. Выявіўшы на рынгу па-сапраўднаму байцоўскі характар, хлопцам удалося заваяваць медалі, — дзеліцца трэнер Іван ЛАПІЦКІ.