З мэтай арганізацыі актыўнага адпачынку, уцягвання насельніцтва раёна ў масавыя заняткі фізічнай культурай і спортам у мінулыя выхадныя ў Ветцы прайшлі спаборніцтвы па шашках і шахматах сярод сельскіх жыхароў, работнікаў арганізацый аграпрамысловага комплексу і ўстаноў Веткаўскага раёна. Пераможцаў у асабіста-камандным заліку вызначалі прадстаўнікі сямі каманд.
Па выніках гульняў па шашках у камандным заліку месцы вызначыліся наступным чынам: 1-е месца - КЖУП «Веткаўскае», 2-е месца - аддзел адукацыі, спорту і турызму і 3-е месца - каманда Веткаўскага раённага аб'яднання прафсаюзаў. У асабістым заліку пераможцамі сярод мужчын сталі хаус-майстар Уладзімір Судзілоўскі, сярод жанчын - бухгалтар-касір Наталля Багданова. Абодва - прадстаўнікі КЖУП «Веткаўскае».
У шахматах пераможцамі сталі прадстаўнікі аддзела адукацыі, спорту і турызму райвыканкама, 2-е месца за камандай раённага аб'яднання прафсаюзаў і 3-е месца за прадстаўнікамі КЖУП «Веткаўскае». У асабістым заліку пераможцамі сярод мужчын стаў Уладзімір Кирьдянов, які выступаў за каманду раённага выканаўчага камітэта, сярод жанчын - настаўнік фізічнай культуры і спорту Пыханской базавай школы Радмила Ботанова.
Наступны этап круглагадовай спартакіяды запланаваны на 24-25 красавіка. На старт запрашаюцца аматары гульні ў настольны тэніс. А ўжо 1 мая пройдзе веламарафон, у якім прыняць удзел зможа абсалютна кожны жыхар раёна, паведамілі ў фізкультурна-спартыўным клубе «Ураджай».