Веткаўчанкі Сняжана і Аліса Куніцкія — уладальніцы сведчання спецыяльнага фонду Прэзідэнта Рэспублікі Беларусь па падтрымцы таленавітай моладзі. Адпаведная дырэктыва пра аказанне матэрыяльнай дапамогі прынята кіраўніком дзяржавы ў снежні.
На працягу ўсяго года выхаванкі студыі эстрадна-джазавага вакалу «Vocal Smile» прымалі самы актыўны ўдзел у мастацка-творчых імпрэзах. Сярод дзясяткаў дыпломаў розных конкурсаў і фэстаў найболей знакавым стаў Міжнародны разнажанравы конкурс «LETOSTAR-2020», дзе дзяўчынкі сталі ўладальніцамі дыпломаў III ступені. Менавіта пасля гэтай перамогі Сняжана і Аліса ўвайшлі ў лік прэтэндэнтаў на прэмію кіраўніка дзяржавы.