Адкрытае першынство горада Гомеля па плаванню прынесла камандзе Веткаўскай ДЮСШ адразу 12 узнагарод.
Чатыры разы на п'едэстал гонару паднімалася Вераніка Буракова. Дыстанцыю 50 метраў вольным стылем яна пераадолела першай у сваёй групе. На дыстанцыі 50 метраў вольным стылем і брасам яна ўзяла два срэбра. На 50-метроўцы батэрфляем школьніца заваявала бронзу.
Займаецца плаваннем юная спартсменка пад кіраўніцтвам трэнера-выкладчыка Анастасіі Голуб.
Яшчэ больш уражваючыя вынікі ў выхаванцаў Яўгена Панькова.
Срэбра і дзве бронзы заваяваў Ілля Маліноўскі. Ён плаваў батэрфляем, брасам і вольным стылем. Усе дыстанцыі 50 метраў.
Вадзім Салаўёў фінішаваў трэцім на дыстанцыі 50 м на спіне.
У Мірона Ганчарова два медалі. Срэбра на дыстанцыі 50 м брасам і бронза на дыстанцыі 100 метраў (комплекснае плаванне).
Аляксандр Салаўёў стаў абсалютным лідэрам у сваёй групе на дыстанцыі 50 м на спіне.
Аляксей Кушнер замкнуў тройку лідэраў на дыстанцыі 200 м брасам.
Віншуем хлопцаў з годным вынікам і жадаем новых перамог!