05.05.2026

Гомельскі эканамічны форум пройдзе 21-22 мая

XX Гомельскі эканамічны форум пройдзе ў горадзе над Сожам 21-22 мая, паведамілі БЕЛТА ў аблвыканкаме.

Дзелавой праграмай прадугледжана абмеркаванне ключавых пытанняў развіцця Гомельскай вобласці ў самых розных сферах.

Удзельнікі юбілейнага форуму змогуць азнаёміцца з эканамічным патэнцыялам рэгіёна, прыняць удзел у рабоце стратэгічных сесій. Яны будуць прысвечаны навуцы і тэхналогіям, аграпрамысловаму комплексу, турыстычнай індустрыі як драйверу эканамічнага росту. Таксама ўдзельнікі абмяркуюць магчымасці прымянення штучнага інтэлекту ў бізнес-працэсах. Тэма яшчэ адной сесіі - жанчыны ў бізнесе.

Наведаюць удзельнікі форуму выстаўку "Гомельская вобласць - развіццё і партнёрства".

Акрамя таго, форум - гэта магчымасць знайсці надзейных партнёраў і заключыць узаемавыгадныя кантракты.

За гады правядзення Гомельскі эканамічны форум стаў прызнанай і аўтарытэтнай пляцоўкай для абмеркавання актуальных пытанняў міжнароднага гандлёва-эканамічнага, інвестыцыйнага ўзаемадзеяння, устанаўлення надзейных доўгатэрміновых міжрэгіянальных і кааперацыйных сувязей.

БЕЛТА